القوافي بقلم الشاعر فاضل العلي الشمري

يالشاعر  يالي للقوافي   ترومي
             هاك النصيحه وامش به واسمع الشور
احذر ترى   بحر  القوافي يزومي
           ولا كل  شاعر  بالتماثيل     مشهور
ولا كل  من يبي  السباحه يعومي
            ولا  كل    من خاض الصعيبات منصور
كم واحد   خاضها ورد مهزومي
             وشعاد لو   جده    بالافعال مذكور
دنياك يالبشر    هذي ماتدومي
              دورأ يروح  وحل  دور بعد    دور
لايخد عك فيها مزين السمومي
              لابد  من   عج  يتقفاها   ويثور
والمسعد الي  عن  غرامه  يشومي
              يسجد  الحي خالق   اليل والنور
والفروض الخمس فيهن يقومي
               ويزكي امواله   لاصار  ميسور
وان  هل  شهر  الصوم للله يصومي
              ولاتمكن   ينحر  البيت  ويزور