ان غاب طيفك. بقلم الشاعر وليد سعيد الحنيطي

ان غاب طيفك عني اموت بقهري
وان  غاب  غيرك  ماهمني  غيابه

لاني  بدونك  زهرة   مالها   الري
بين  الهشيم   تشتغيث  بسحابه

مصفره الاوراق  مقطوعه بالري
يبكيها  سيح  القصيم   وسحابه

ولاغاب صوتك نار تكوي ضامري
ويتشتت  الفكر   ويفقد   صوابه

ولا سمعت صوتك وجابك الطاري
فز قلبي  وحظورك  يطفي عذابه
الشاعر وليد سعيد الحنيطي

صدق بكذب عليك. بقلم الشاعر وليد سعيد الحنيطي

صدق بكذب عليك ان قلت بخليك
والابعد   فكرت   ياروحي   انساك

لأنك  تعيش  فيني وانا عيش فيك
حبك روحي  واعرف موتي  فرقاك

انا   وقلبي   يالغلا    في    اياديك
وشلون    اعيش    هالدنيا    بلياك

ولاتصدقني  لوقلت   لك   بجافيك
مهما حصل خلاف صعب اني اجفاك

ودياك  تعرف   اني   باموت   عليك
وغاية   سروري  يوم  اطلب  رضاك
الشاعر وليد سعيد الحنيطي

جيت...بقلم الشاعر وليد سعيد الحنيطي

جيت  بعد  ماكوتني  نار الشوق
جيتك  والمشاعر  تسوقني  ليك

بعد  ماحولت  ابعد عنك الخفوق
واخليه  ينساك   وينسى   لياليك

لقيت نفسي  تايهن  وانظر لفوق
تخيلت كل شين  فاقدن  معاليك

القمر والشمس  ووقت  الشروق
والنجوم   ونسمة  هدوء   الليل

شلون عاد  انساك  وانت  الذوق
وكل شي  بدنيتي  والله  يغليك
الشاعر وليد سعيد الحنيطي

انا بعدك.. بقلم الشاعر وليد سعيد الحنيطي

انا بعدك  صرت  مع  الهم   اصحاب
فقدتك    والغلا    مايملكه    غيرك

والشوق   قاسي   ومافيه   اطباب
لاجاك بان  بعيونك ويكشف  سرك

وبعدك  صرت  اشوف ربعي  اغراب
ولي من حولي لجل حبك وخاطرك

الشاعر وليد سعيد الحنيطي

بس ياغلاي. بقلم الشاعر وليد سعيد الحنيطي

بس ياغلاي كفاك تعذبني  كفاك
نويت  ابتركك  واعيش  بزماني

واترك قصة  هوانا  وانسا  غلاك
معاد  ارجع  لك  ولاعاد  اتهمني

مات حبك واحسن الله في عزاك
وخذ باقي  جثمانك  وابعد  عني

لكن  ابيك   يوم  تذكرني  بهواك
تقول كان  لي عشيرن  ماظلمني
الشاعر وليد سعيد الحنيطي

ويلا ياقلبن...بقلم الشاعر وليد سعيد الحنيطي

ويلاه   ياقلبن    اشقاه    الزمان
وامسح   بمنديل  القهر  دموعي

كل  ماقول  خلص   الوقت   زان
يتجدد الهم ويسكن في ضلوعي

حتى  القلم  عزاني عاف الاحزان
والهواجيس  في  الحشا  تروعي

كيف الراي  وعشت  انا  بحرمان
حرمان   لفرح  يلي فاقد  الوعي

وخابر    الفرح  في سن   الريعان
ويوم  الوفا  بكل  بيت  مزروعي

الله  يعين    قلبي  على  هالزمان
ياللي   يشيب  الطفل  الرضوعي
الشاعر وليد سعيد الحنيطي

جبرتني...بقلم الشاعر وليد سعيد الحنيطي

جبرتني  بكتب  في   تالي    الليل
يوم شفتك صديت عني بلا اسباب

بكتب   قصيده   وانا  عليك  غليل
ابيات    حزينه     ومليانه    عتاب

بالامس   كنت   لك  روح  التعاليل
واليوم   صرت   ماضيك   والغياب

وصرت   ذكرا   دفنها  غرام   عليل
ضاق   منها  جروح   مالها   اطباب

شلون   قلبك   طاوعك   بالتضليل
وشلون  مره   واحده  نبتلك   ناب

 والخيانه    فيك    ماودها    دليل
واضحه  وضوح   المطر   والضباب

والخاين   لابد   يوم   يرجع   ذليل
يعيش  وحيد  ومايلقى  له  احباب

ماقول غير روح  وصفق  لك  هايل
ناجح   في  مرتبة  خاين   الاحباب
الشاعر وليد سعيد الحنيطي

ياكم ...بقلم الشاعر وليد سعيد الحنيطي

ياكم انا مشتاق  لسماع صوتك
وياكم هزني لحنين  وماشكيت

مدري غرور اوحتا تزيد غلاتك
لكن  والله عنك ياغلا  ماسليت

ولو  اترك   كل  البشر  ماتركتك
دام مكسبي حبك يلي به تغنيت

وخسرت كل المخاليق وشريتك
تركت ربعي وفي لياليك سريت

وتخيلتك  قرب  القمر وحبيتك
وخذاني  نورك  لفوق وتعاليت
الشاعر وليد سعيد الحنيطي

ياكثرها. بقلم الشاعر وليد سعيد الحنيطي

يا كثرها   الهواجيس   بغيابك
حتا القلب مل من كثر  الهموم

كنك  يالغلا مرتاح انت وقلبك
وانا عيوني  ماتهنت في النوم

من كثر ماتوهني عنوان  دربك
وكثر  ماتجيني  بغيابك  حلوم

ياليتني  خيالك  وبقيت  قربك
ارافق خطاويك ياعمري دووم

ليتني  حارس  وماافارق  بابك
ليل ونهار  ومايجيك مني لوم

واتبع خطاويك وسير  ادروبك
وازرع جوري قدام  بابك يدوم

كل الالوان يالي  تعشق  ترابك
ويالي  تعشق  المطر   والغيوم

شفت ياعمري شلون سواغيابك
لخبط كل حياتي وبقيت مهموم
الشاعر وليد سعيد الحنيطي

الله من قلبن .بقلم الشاعر وليد سعيد الحنيطي

الله من قلبن صاح صيحت غريب
غريب صاح لجة  ضلوعه  تهاويل

عليك   يا راع   العيون    لمهديب
خضرن وساع والرموش  مضاليل

خضرن تلمع  كما  برقن   لواهيب
طحت  بنورهن   يارب  التساهيل

سهومهن على القلب ناش وتصيب
ترج  دقات  الخافق   دون  تمثيل

ياصاحبي   حبك   لقليبي   غريب
ارحمني  شوية  قبل  اصير  عليل

يا للي    عليك   العيون   مراقيب
تقول  صقار     والعيون    درابيل

 والنظر    بارق   لاغشا  لمهاضيب
يلي  راعده  يضرب  لقاع  ويسيل

يازين حبك مابه  شك  ولاتجريب
منساك  كود انسى حلو   التعاليل
الشاعر وليد الحنيطي..

ليه تقول... بقلم الشاعر وليد سعيد الحنيطي

ليه تقول مشاق  وتخلف  وعودك
يا ترف   الاقدام    وين  ماتجيني

مكتوبك وصلني ودي اشوف ردك
مكتوبك دون  شوفتك  مايطمني

والشوق  مايرحم  غير  بوجودك
ومايقبل اعذار حتى تقرب  مني

وفي غيابك مااذكر غير عهودك
وفي حظورك اشوفك نورعيوني
الشاعر وليد سعيد الحنيطي

لاتجيني بقلم الشاعر وليد سعيد الحنيطي

لاتجيني ياعمري بلوم وعتاب
ادري ياعمري وش اللي بغيته

كان بتنشدني عن طول الغياب
ابشر برد مني  يقنعك  لاقريته

انا معك  مثل المطر  بالسحاب
واشتاقك  شوق الغايب  لبيته

وجيك  انا الولهان   بعد  غياب
لانك الوحيد لاتضايقت نصيته
الشاعر وليد سعيد الحنيطي

انت بعيوني بقلم الشاعر وليد سعيد الحنيطي

انت  بعيونك  عسا  عيوني فداك
ياعزوتي ويانور شمسي  وظلي

قليبي   يالغلا   صويب   ويرجاك
قربك فيه عزتي عقب شقاي وذلي

و بالقلب  وحشه  وادواعي  غلاك
والروح تحبك كاني خطيت قلي
الشاعر وليد سعيد الحنيطي